૯. વિઞ્ઞાણસુત્તં

૫૯. સાવત્થિયં વિહરતિ…પે… ‘‘સંયોજનિયેસુ, ભિક્ખવે, ધમ્મેસુ અસ્સાદાનુપસ્સિનો વિહરતો વિઞ્ઞાણસ્સ અવક્કન્તિ હોતિ. વિઞ્ઞાણપચ્ચયા નામરૂપં…પે… એવમેતસ્સ કેવલસ્સ દુક્ખક્ખન્ધસ્સ સમુદયો હોતિ’’.

‘‘સેય્યથાપિ, ભિક્ખવે, મહારુક્ખો. તસ્સ યાનિ ચેવ મૂલાનિ …પે… એવમેવ ખો, ભિક્ખવે, સંયોજનિયેસુ ધમ્મેસુ અસ્સાદાનુપસ્સિનો વિહરતો વિઞ્ઞાણસ્સ અવક્કન્તિ હોતિ…પે….

‘‘સંયોજનિયેસુ, ભિક્ખવે, ધમ્મેસુ આદીનવાનુપસ્સિનો વિહરતો વિઞ્ઞાણસ્સ અવક્કન્તિ ન હોતિ. વિઞ્ઞાણનિરોધા નામરૂપનિરોધો…પે… એવમેતસ્સ કેવલસ્સ દુક્ખક્ખન્ધસ્સ નિરોધો હોતિ.

‘‘સેય્યથાપિ, ભિક્ખવે, મહારુક્ખો. અથ પુરિસો આગચ્છેય્ય કુદ્દાલપિટકં આદાય…પે… આયતિં અનુપ્પાદધમ્મો. એવમેવ ખો, ભિક્ખવે, સંયોજનિયેસુ ધમ્મેસુ આદીનવાનુપસ્સિનો વિહરતો વિઞ્ઞાણસ્સ અવક્કન્તિ ન હોતિ. વિઞ્ઞાણસ્સ નિરોધા નામરૂપનિરોધો…પે… એવમેતસ્સ કેવલસ્સ દુક્ખક્ખન્ધસ્સ નિરોધો હોતી’’તિ. નવમં.