૧૧. દુતિયભિક્ખાદાયિકાવિમાનવત્થુ

૨૭૮. ‘‘અભિક્કન્તેન વણ્ણેન, યા ત્વં તિટ્ઠસિ દેવતે;

ઓભાસેન્તી દિસા સબ્બા, ઓસધી વિય તારકા.

૨૭૯. ‘‘કેન તેતાદિસો વણ્ણો…પે… વણ્ણો ચ તે સબ્બદિસા પભાસતી’’તિ.

૨૮૧. સા દેવતા અત્તમના…પે… યસ્સ કમ્મસ્સિદં ફલં.

૨૮૨. ‘‘અહં મનુસ્સેસુ મનુસ્સભૂતા, પુરિમાય જાતિયા મનુસ્સલોકે.

૨૮૩. ‘‘અદ્દસં વિરજં ભિક્ખું, વિપ્પસન્નમનાવિલં;

તસ્સ અદાસહં ભિક્ખં, પસન્ના સેહિ પાણિભિ.

૨૮૪. ‘‘તેન મેતાદિસો વણ્ણો…પે. … વણ્ણો ચ મે સબ્બદિસા પભાસતી’’તિ.

દુતિયભિક્ખાદાયિકાવિમાનં એકાદસમં.

ચિત્તલતાવગ્ગો દુતિયો નિટ્ઠિતો.

તસ્સુદ્દાનં –

દાસી ચેવ લખુમા ચ, અથ આચામદાયિકા;

ચણ્ડાલી ભદ્દિત્થી ચેવ [ભદ્દિત્થિકા ચ (સ્યા.)], સોણદિન્ના ઉપોસથા;

નિદ્દા ચેવ સુનિદ્દા ચ [નન્દા ચેવ સુનન્દા ચ (સી.)], દ્વે ચ ભિક્ખાય દાયિકા;

વગ્ગો તેન પવુચ્ચતીતિ.

ભાણવારં પઠમં નિટ્ઠિતં.