૫. નન્દુત્તરાથેરીગાથા

૮૭. ‘‘અગ્ગિં ચન્દઞ્ચ સૂરિયઞ્ચ, દેવતા ચ નમસ્સિહં;

નદીતિત્થાનિ ગન્ત્વાન, ઉદકં ઓરુહામિહં.

૮૮. ‘‘બહૂવતસમાદાના, અડ્ઢં સીસસ્સ ઓલિખિં;

છમાય સેય્યં કપ્પેમિ, રત્તિં ભત્તં ન ભુઞ્જહં.

૮૯. ‘‘વિભૂસામણ્ડનરતા, ન્હાપનુચ્છાદનેહિ ચ;

ઉપકાસિં ઇમં કાયં, કામરાગેન અટ્ટિતા.

૯૦. ‘‘તતો સદ્ધં લભિત્વાન, પબ્બજિં અનગારિયં;

દિસ્વા કાયં યથાભૂતં, કામરાગો સમૂહતો.

૯૧. ‘‘સબ્બે ભવા સમુચ્છિન્ના, ઇચ્છા ચ પત્થનાપિ ચ;

સબ્બયોગવિસંયુત્તા, સન્તિં પાપુણિ ચેતસો’’તિ.

… નન્દુત્તરા થેરી….