૨. સળલપુપ્ફિકાથેરીઅપદાનં

૨૨. ‘‘ચન્દભાગાનદીતીરે, અહોસિં કિન્નરી તદા;

અદ્દસાહં દેવદેવં, ચઙ્કમન્તં નરાસભં.

૨૩. ‘‘ઓચિનિત્વાન સળલં, બુદ્ધસેટ્ઠસ્સદાસહં;

ઉપસિઙ્ઘિ મહાવીરો, સળલં દેવગન્ધિકં.

૨૪. ‘‘પટિગ્ગહેત્વા સમ્બુદ્ધો, વિપસ્સી લોકનાયકો;

ઉપસિઙ્ઘિ મહાવીરો, પેક્ખમાનાય મે તદા.

૨૫. ‘‘અઞ્જલિં પગ્ગહેત્વાન, વન્દિત્વા દ્વિપદુત્તમં [દિપદુત્તમં (સી. સ્યા. પી.)];

સકં ચિત્તં પસાદેત્વા, તતો પબ્બતમારુહિં.

૨૬. ‘‘એકનવુતિતો કપ્પે, યં પુપ્ફમદદિં તદા;

દુગ્ગતિં નાભિજાનામિ, બુદ્ધપૂજાયિદં ફલં.

૨૭. ‘‘કિલેસા ઝાપિતા મય્હં…પે… વિહરામિ અનાસવા.

૨૮. ‘‘સ્વાગતં વત મે આસિ…પે… કતં બુદ્ધસ્સ સાસનં.

૨૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં સળલપુપ્ફિકા ભિક્ખુની ઇમા ગાથાયો અભાસિત્થાતિ.

સળલપુપ્ફિકાથેરિયાપદાનં દુતિયં.