૩. મોદકદાયિકાથેરીઅપદાનં

૩૦. ‘‘નગરે બન્ધુમતિયા, કુમ્ભદાસી અહોસહં;

મમ ભાગં ગહેત્વાન, ગચ્છં ઉદકહારિકા [ઉદકહારિકં (સી.), ઉદકહારિકે (સ્યા.)].

૩૧. ‘‘પન્થમ્હિ સમણં દિસ્વા, સન્તચિત્તં સમાહતં;

પસન્નચિત્તા સુમના, મોદકે તીણિદાસહં.

૩૨. ‘‘તેન કમ્મેન સુકતેન, ચેતનાપણિધીહિ ચ;

એકનવુતિકપ્પાનિ [એકૂનતિંસકપ્પાનિ (સ્યા.)], વિનિપાતં નગચ્છહં.

૩૩. ‘‘સમ્પત્તિ તં [સમ્પત્તિઞ્ચ (સ્યા.), સમ્પત્તિકં (ક.)] કરિત્વાન, સબ્બં અનુભવિં અહં;

મોદકે તીણિ દત્વાન, પત્તાહં અચલં પદં.

૩૪. ‘‘કિલેસા ઝાપિતા મય્હં…પે… વિહરામિ અનાસવા.

૩૫. ‘‘સ્વાગતં વત મે આસિ…પે… કતં બુદ્ધસ્સ સાસનં.

૩૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં મોદકદાયિકા ભિક્ખુની ઇમા ગાથાયો અભાસિત્થાતિ.

મોદકદાયિકાથેરિયાપદાનં તતિયં.