૧૦. સુમનત્થેરગાથા

૪૨૯. ‘‘યદા નવો પબ્બજિતો, જાતિયા સત્તવસ્સિકો;

ઇદ્ધિયા અભિભોત્વાન, પન્નગિન્દં મહિદ્ધિકં.

૪૩૦. ‘‘ઉપજ્ઝાયસ્સ ઉદકં, અનોતત્તા મહાસરા;

આહરામિ તતો દિસ્વા, મં સત્થા એતદબ્રવિ’’.

૪૩૧. ‘‘સારિપુત્ત ઇમં પસ્સ, આગચ્છન્તં કુમારકં;

ઉદકકુમ્ભમાદાય, અજ્ઝત્તં સુસમાહિતં.

૪૩૨. ‘‘પાસાદિકેન વત્તેન, કલ્યાણઇરિયાપથો;

સામણેરોનુરુદ્ધસ્સ, ઇદ્ધિયા ચ વિસારદો.

૪૩૩. ‘‘આજાનીયેન આજઞ્ઞો, સાધુના સાધુકારિતો;

વિનીતો અનુરુદ્ધેન, કતકિચ્ચેન સિક્ખિતો.

૪૩૪. ‘‘સો પત્વા પરમં સન્તિં, સચ્છિકત્વા અકુપ્પતં;

સામણેરો સ સુમનો, મા મં જઞ્ઞાતિ ઇચ્છતી’’તિ.

… સુમનો થેરો….