૧૦. વેવચનહારસમ્પાતો

૭૨. તત્થ કતમો વેવચનો હારસમ્પાતો?

‘‘તસ્મા રક્ખિતચિત્તસ્સ, સમ્માસઙ્કપ્પગોચરો’’તિ ગાથા. ‘‘તસ્મા રક્ખિતચિત્તસ્સા’’તિ ચિત્તં મનો વિઞ્ઞાણં મનિન્દ્રિયં મનાયતનં વિજાનના વિજાનિતત્તં, ઇદં વેવચનં. ‘‘સમ્માસઙ્કપ્પગોચરો’’તિ નેક્ખમ્મસઙ્કપ્પો અબ્યાપાદસઙ્કપ્પો અવિહિંસાસઙ્કપ્પો, ઇદં વેવચનં. ‘‘સમ્માદિટ્ઠિપુરેક્ખારો’’તિ સમ્માદિટ્ઠિ નામ પઞ્ઞાસત્થં પઞ્ઞાખગ્ગો પઞ્ઞારતનં પઞ્ઞાપજ્જોતો પઞ્ઞાપતોદો પઞ્ઞાપાસાદો, ઇદં વેવચનં.

નિયુત્તો વેવચનો હારસમ્પાતો.