૧૧. પઞ્ઞત્તિહારસમ્પાતો

૭૩. તત્થ કતમો પઞ્ઞત્તિહારસમ્પાતો?

‘‘તસ્મા રક્ખિતચિત્તસ્સ, સમ્માસઙ્કપ્પગોચરો’’તિ ગાથા. ‘‘તસ્મા રક્ખિતચિત્તસ્સા’’તિ પદટ્ઠાનપઞ્ઞત્તિ સતિયા. ‘‘સમ્માસઙ્કપ્પગોચરો’’તિ ભાવનાપઞ્ઞત્તિ સમથસ્સ. ‘‘સમ્માદિટ્ઠિપુરેક્ખારો, ઞત્વાન ઉદયબ્બય’’ન્તિ દસ્સનભૂમિયા નિક્ખેપપઞ્ઞત્તિ. ‘‘થિનમિદ્ધાભિભૂ ભિક્ખૂ’’તિ સમુદયસ્સ અનવસેસપ્પહાનપઞ્ઞત્તિ, ‘‘સબ્બા દુગ્ગતિયો જહે’’તિ ભાવનાપઞ્ઞત્તિ મગ્ગસ્સ.

નિયુત્તો પઞ્ઞત્તિહારસમ્પાતો.