૧૨. સુતસોમચરિયા

૧૦૫. ‘‘પુનાપરં યદા હોમિ, સુતસોમો મહીપતિ;

ગહિતો પોરિસાદેન, બ્રાહ્મણે સઙ્ગરં સરિં.

૧૦૬. ‘‘ખત્તિયાનં એકસતં, આવુણિત્વા કરત્તલે;

એતેસં પમિલાપેત્વા, યઞ્ઞત્થે ઉપનયી મમં.

૧૦૭. ‘‘અપુચ્છિ મં પોરિસાદો, ‘કિં ત્વં ઇચ્છસિ નિસ્સજં;

યથામતિ તે કાહામિ, યદિ મે ત્વં પુનેહિસિ’.

૧૦૮. ‘‘તસ્સ પટિસ્સુણિત્વાન, પણ્હે આગમનં મમ;

ઉપગન્ત્વા પુરં રમ્મં, રજ્જં નિય્યાદયિં તદા.

૧૦૯. ‘‘અનુસ્સરિત્વા સતં ધમ્મં, પુબ્બકં જિનસેવિતં;

બ્રાહ્મણસ્સ ધનં દત્વા, પોરિસાદં ઉપાગમિં.

૧૧૦. ‘‘નત્થિ મે સંસયો તત્થ, ઘાતયિસ્સતિ વા ન વા;

સચ્ચવાચાનુરક્ખન્તો, જીવિતં ચજિતુમુપાગમિં;

સચ્ચેન મે સમો નત્થિ, એસા મે સચ્ચપારમી’’તિ.

સુતસોમચરિયં દ્વાદસમં.