૩. ચમ્પેય્યનાગચરિયા

૨૦. ‘‘પુનાપરં યદા હોમિ, ચમ્પેય્યકો મહિદ્ધિકો;

તદાપિ ધમ્મિકો આસિં, સીલબ્બતસમપ્પિતો.

૨૧. ‘‘તદાપિ મં ધમ્મચારિં, ઉપવુત્થં ઉપોસથં;

અહિતુણ્ડિકો ગહેત્વાન, રાજદ્વારમ્હિ કીળતિ.

૨૨. ‘‘યં યં સો વણ્ણં ચિન્તયિ, નીલંવ પીતલોહિતં;

તસ્સ ચિત્તાનુવત્તન્તો, હોમિ ચિન્તિતસન્નિભો.

૨૩. ‘‘થલં કરેય્યમુદકં, ઉદકમ્પિ થલં કરે;

યદિહં તસ્સ પકુપ્પેય્યં, ખણેન છારિકં કરે.

૨૪. ‘‘યદિ ચિત્તવસી હેસ્સં, પરિહાયિસ્સામિ સીલતો;

સીલેન પરિહીનસ્સ, ઉત્તમત્થો ન સિજ્ઝતિ.

૨૫. ‘‘કામં ભિજ્જતુયં કાયો, ઇધેવ વિકિરીયતુ;

નેવ સીલં પભિન્દેય્યં, વિકિરન્તે ભુસં વિયા’’તિ.

ચમ્પેય્યનાગચરિયં તતિયં.