૯. ઠિતઞ્જલિયત્થેરઅપદાનં

૪૨. ‘‘મિગલુદ્દો પુરે આસિં, અરઞ્ઞે કાનને અહં;

તત્થ અદ્દસં [તત્થદ્દસાસિં (સી. સ્યા.)] સમ્બુદ્ધં, બાત્તિંસવરલક્ખણં.

૪૩. ‘‘તત્થાહં અઞ્જલિં કત્વા, પક્કામિં પાચિનામુખો;

અવિદૂરે નિસિન્નસ્સ, નિયકે પણ્ણસન્થરે.

૪૪. ‘‘તતો મે અસનીપાતો, મત્થકે નિપતી તદા;

સોહં મરણકાલમ્હિ, અકાસિં પુનરઞ્જલિં.

૪૫. ‘‘દ્વેનવુતે ઇતો કપ્પે, અઞ્જલિં અકરિં તદા;

દુગ્ગતિં નાભિજાનામિ, અઞ્જલિસ્સ ઇદં ફલં.

૪૬. ‘‘ચતુપણ્ણાસકપ્પમ્હિ, મિગકેતુસનામકો;

સત્તરતનસમ્પન્નો, ચક્કવત્તી મહબ્બલો.

૪૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ઠિતઞ્જલિયો થેરો ઇમા ગાથાયો અભાસિત્થાતિ.

ઠિતઞ્જલિયત્થેરસ્સાપદાનં નવમં.