૭. સૂચિદાયકત્થેરઅપદાનં

૩૦. ‘‘તિંસકપ્પસહસ્સમ્હિ, સમ્બુદ્ધો લોકનાયકો;

સુમેધો નામ નામેન, બાત્તિંસવરલક્ખણો.

૩૧. ‘‘તસ્સ કઞ્ચનવણ્ણસ્સ, દ્વિપદિન્દસ્સ તાદિનો;

પઞ્ચ સૂચી મયા દિન્ના, સિબ્બનત્થાય ચીવરં.

૩૨. ‘‘તેનેવ સૂચિદાનેન, નિપુણત્થવિપસ્સકં;

તિક્ખં લહુઞ્ચ ફાસુઞ્ચ, ઞાણં મે ઉદપજ્જથ.

૩૩. ‘‘કિલેસા ઝાપિતા મય્હં, ભવા સબ્બે સમૂહતા;

ધારેમિ અન્તિમં દેહં, સમ્માસમ્બુદ્ધસાસને.

૩૪. ‘‘દ્વિપદાધિપતી નામ, રાજાનો ચતુરો અહું;

સત્તરતનસમ્પન્ના, ચક્કવત્તી મહબ્બલા.

૩૫. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સૂચિદાયકો થેરો ઇમા ગાથાયો અભાસિત્થાતિ.

સૂચિદાયકત્થેરસ્સાપદાનં સત્તમં.