૬. તિણસન્થરદાયકત્થેરઅપદાનં

૨૨. ‘‘હિમવન્તસ્સાવિદૂરે, મહાજાતસ્સરો અહુ;

સતપત્તેહિ સઞ્છન્નો, નાનાસકુણમાલયો.

૨૩. ‘‘તમ્હિ ન્હત્વા ચ પિત્વા [પીત્વા (સી. સ્યા.)] ચ, અવિદૂરે વસામહં;

અદ્દસં સમણાનગ્ગં, ગચ્છન્તં અનિલઞ્જસે.

૨૪. ‘‘મમ સઙ્કપ્પમઞ્ઞાય, સત્થા લોકે અનુત્તરો;

અબ્ભતો ઓરુહિત્વાન, ભૂમિયંઠાસિ તાવદે.

૨૫. ‘‘વિસાણેન [લાયનેન (સ્યા.)] તિણં ગય્હ, નિસીદનમદાસહં;

નિસીદિ ભગવા તત્થ, તિસ્સો લોકગ્ગનાયકો.

૨૬. ‘‘સકં ચિત્તં પસાદેત્વા, અવન્દિ લોકનાયકં;

પટિકુટિકો [ઉક્કુટિકો (સ્યા. ક.)] અપસક્કિં, નિજ્ઝાયન્તો મહામુનિં.

૨૭. ‘‘તેન ચિત્તપ્પસાદેન, નિમ્માનં ઉપપજ્જહં;

દુગ્ગતિં નાભિજાનામિ, સન્થરસ્સ ઇદં ફલં.

૨૮. ‘‘ઇતો દુતિયકે કપ્પે, મિગ [મિત્ત (સ્યા.)] સમ્મતખત્તિયો;

સત્તરતનસમ્પન્નો, ચક્કવત્તી મહબ્બલો.

૨૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા તિણસન્થરદાયકો થેરો ઇમા ગાથાયો અભાસિત્થાતિ.

તિણસન્થરદાયકત્થેરસ્સાપદાનં છટ્ઠં.