૪. ગન્ધોદકિયત્થેરઅપદાનં

૨૫. ‘‘પદુમુત્તરબુદ્ધસ્સ, મહાબોધિમહો અહુ;

વિચિત્તં ઘટમાદાય, ગન્ધોદકમદાસહં.

૨૬. ‘‘ન્હાનકાલે ચ બોધિયા, મહામેઘો પવસ્સથ;

નિન્નાદો ચ મહા આસિ, અસનિયા ફલન્તિયા.

૨૭. ‘‘તેનેવાસનિવેગેન, તત્થ કાલઙ્કતો [કાલકતો (સી. સ્યા.)] અહં [અહું (સી.)];

દેવલોકે ઠિતો સન્તો, ઇમા ગાથા અભાસહં.

૨૮. ‘‘‘અહો બુદ્ધો અહો ધમ્મો, અહો નો સત્થુસમ્પદા;

કળેવરં [કલેબરં (સી.)] મે પતિતં, દેવલોકે રમામહં.

૨૯. ‘‘‘ઉબ્બિદ્ધં ભવનં મય્હં, સતભૂમં સમુગ્ગતં;

કઞ્ઞાસતસહસ્સાનિ, પરિવારેન્તિ મં સદા.

૩૦. ‘‘‘આબાધા મે ન વિજ્જન્તિ, સોકો મય્હં ન વિજ્જતિ;

પરિળાહં ન પસ્સામિ, પુઞ્ઞકમ્મસ્સિદં ફલં.

૩૧. ‘‘‘અટ્ઠવીસે કપ્પસતે, રાજા સંવસિતો અહું;

સત્તરતનસમ્પન્નો, ચક્કવત્તી મહબ્બલો’.

૩૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ગન્ધોદકિયો થેરો ઇમા ગાથાયો અભાસિત્થાતિ.

ગન્ધોદકિયત્થેરસ્સાપદાનં ચતુત્થં.