૫. નાગપુપ્ફિયત્થેરઅપદાનં

૨૩. ‘‘સુવણ્ણવણ્ણં સમ્બુદ્ધં, આહુતીનં પટિગ્ગહં;

રથિયં પટિપજ્જન્તં, નાગપુપ્ફં અપૂજયિં.

૨૪. ‘‘એકનવુતિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૨૫. ‘‘કિલેસા ઝાપિતા મય્હં…પે… વિહરામિ અનાસવો.

૨૬. ‘‘સ્વાગતં વત મે આસિ…પે… કતં બુદ્ધસ્સ સાસનં.

૨૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા નાગપુપ્ફિયો થેરો ઇમા ગાથાયો

અભાસિત્થાતિ.

નાગપુપ્ફિયત્થેરસ્સાપદાનં પઞ્ચમં.