૬. માતુલુઙ્ગફલદાયકત્થેરઅપદાનં

૬૮. ‘‘કણિકારંવ જલિતં, પુણ્ણમાયેવ ચન્દિમં;

જલન્તં દીપરુક્ખંવ, અદ્દસં લોકનાયકં.

૬૯. ‘‘માતુલુઙ્ગફલં ગય્હ, અદાસિં સત્થુનો અહં;

દક્ખિણેય્યસ્સ વીરસ્સ [ધીરસ્સ (સી.)], પસન્નો સેહિ પાણિભિ.

૭૦. ‘‘એકતિંસે ઇતો કપ્પે, યં ફલં અદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૭૧. ‘‘કિલેસા ઝાપિતા મય્હં…પે… વિહરામિ અનાસવો.

૭૨. ‘‘સ્વાગતં વત મે આસિ…પે… કતં બુદ્ધસ્સ સાસનં.

૭૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા માતુલુઙ્ગફલદાયકો થેરો ઇમા

ગાથાયો અભાસિત્થાતિ.

માતુલુઙ્ગફલદાયકત્થેરસ્સાપદાનં છટ્ઠં.