૫. પાદફલિયત્થેરઅપદાનં

૬૩. ‘‘સુવણ્ણવણ્ણં સમ્બુદ્ધં, આહુતીનં પટિગ્ગહં;

રથિયં પટિપજ્જન્તં, પાદફલં [વારફલં (સી.), ચારફલં (સ્યા.), પારફલં (પી.)] અદાસહં.

૬૪. ‘‘એકનવુતિતો કપ્પે, યં ફલં અદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૬૫. ‘‘કિલેસા ઝાપિતા મય્હં…પે… વિહરામિ અનાસવો.

૬૬. ‘‘સ્વાગતં વત મે આસિ…પે… કતં બુદ્ધસ્સ સાસનં.

૬૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પાદફલિયો થેરો ઇમા ગાથાયો

અભાસિત્થાતિ.

પાદફલિયત્થેરસ્સાપદાનં પઞ્ચમં.