૮. પિલક્ખફલદાયકત્થેરઅપદાનં

૪૦. ‘‘વનન્તરે બુદ્ધં દિસ્વા [વનન્તે બુદ્ધં દિસ્વાન (સી. પી.)], અત્થદસ્સિં મહાયસં;

પસન્નચિત્તો સુમનો, પિલક્ખસ્સ [પિલક્ખુસ્સ (પી.)] ફલં અદા.

૪૧. ‘‘અટ્ઠારસે કપ્પસતે, યં ફલં અદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૪૨. ‘‘કિલેસા ઝાપિતા મય્હં…પે… વિહરામિ અનાસવો.

૪૩. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૪. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પિલક્ખફલદાયકો થેરો ઇમા

ગાથાયો અભાસિત્થાતિ.

પિલક્ખફલદાયકત્થેરસ્સાપદાનં અટ્ઠમં.