૭. લબુજફલદાયકત્થેરઅપદાનં

૩૨. ‘‘નગરે બન્ધુમતિયા, આરામિકો અહં તદા;

અદ્દસં વિરજં બુદ્ધં, ગચ્છન્તં અનિલઞ્જસે.

૩૩. ‘‘લબુજં ફલમાદાય, બુદ્ધસેટ્ઠસ્સદાસહં;

આકાસેવ ઠિતો સન્તો, પટિગ્ગણ્હિ મહાયસો.

૩૪. ‘‘વિત્તિસઞ્જનનો મય્હં, દિટ્ઠધમ્મસુખાવહો;

ફલં બુદ્ધસ્સ દત્વાન, વિપ્પસન્નેન ચેતસા.

૩૫. ‘‘અધિગઞ્છિં તદા પીતિં, વિપુલં સુખમુત્તમં;

ઉપ્પજ્જતેવ [ઉપ્પજ્જતે મે (સ્યા.)] રતનં, નિબ્બત્તસ્સ તહિં તહિં.

૩૬. ‘‘એકનવુતિતો કપ્પે, યં ફલં અદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૩૭. ‘‘કિલેસા ઝાપિતા મય્હં…પે… વિહરામિ અનાસવો.

૩૮. ‘‘સ્વાગતં વત મે આસિ…પે… કતં બુદ્ધસ્સ સાસનં.

૩૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા લબુજફલદાયકો થેરો ઇમા

ગાથાયો અભાસિત્થાતિ.

લબુજફલદાયકત્થેરસ્સાપદાનં સત્તમં.