૬. અવટફલિયત્થેરઅપદાનં

૨૬. ‘‘સતરંસી નામ ભગવા, સયમ્ભૂ અપરાજિતો;

વિવેકકામો સમ્બુદ્ધો, ગોચરાયાભિનિક્ખમિ.

૨૭. ‘‘ફલહત્થો અહં દિસ્વા, ઉપગચ્છિં નરાસભં;

પસન્નચિત્તો સુમનો, અદાસિં અવટં ફલં.

૨૮. ‘‘ચતુન્નવુતિતો કપ્પે, યં ફલં અદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૨૯. ‘‘કિલેસા ઝાપિતા મય્હં…પે… વિહરામિ અનાસવો.

૩૦. ‘‘સ્વાગતં વત મે આસિ…પે… કતં બુદ્ધસ્સ સાસનં.

૩૧. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા અવટફલિયો થેરો ઇમા ગાથાયો

અભાસિત્થાતિ.

અવટફલિયત્થેરસ્સાપદાનં છટ્ઠં.