૧૦. ગન્ધપૂજકત્થેરઅપદાનં

૬૩. ‘‘ચિતાસુ કુરુમાનાસુ [ચિત્તેસુ કયિરમાનેસુ (સી.)], નાનાગન્ધે સમાહટે;

પસન્નચિત્તો સુમનો, ગન્ધમુટ્ઠિમપૂજયિં.

૬૪. ‘‘સતસહસ્સિતો કપ્પે, ચિતકં યમપૂજયિં;

દુગ્ગતિં નાભિજાનામિ, ચિતપૂજાયિદં ફલં.

૬૫. ‘‘કિલેસા ઝાપિતા મય્હં…પે… વિહરામિ અનાસવો.

૬૬. ‘‘સ્વાગતં વત મે આસિ…પે… કતં બુદ્ધસ્સ સાસનં.

૬૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ગન્ધપૂજકો થેરો ઇમા ગાથાયો

અભાસિત્થાતિ.

ગન્ધપૂજકત્થેરસ્સાપદાનં દસમં.

જગતિદાયકવગ્ગો છચત્તાલીસમો.