૯. ધમ્મચક્કિકત્થેરઅપદાનં

૧૦૨. ‘‘સિદ્ધત્થસ્સ ભગવતો, સીહાસનસ્સ સમ્મુખા;

ધમ્મચક્કં મે ઠપિતં, સુકતં વિઞ્ઞુવણ્ણિતં.

૧૦૩. ‘‘ચારુવણ્ણોવ સોભામિ, સયોગ્ગબલવાહનો;

પરિવારેન્તિ મં નિચ્ચં, અનુયન્તા બહુજ્જના.

૧૦૪. ‘‘સટ્ઠિતૂરિયસહસ્સેહિ, પરિચારેમહં સદા;

પરિવારેન સોભામિ, પુઞ્ઞકમ્મસ્સિદં ફલં.

૧૦૫. ‘‘ચતુન્નવુતિતો કપ્પે, યં ચક્કં ઠપયિં અહં;

દુગ્ગતિં નાભિજાનામિ, ધમ્મચક્કસ્સિદં ફલં.

૧૦૬. ‘‘ઇતો એકાદસે કપ્પે, અટ્ઠાસિંસુ જનાધિપા;

સહસ્સરાજનામેન, ચક્કવત્તી મહબ્બલા.

૧૦૭. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ધમ્મચક્કિકો થેરો ઇમા ગાથાયો અભાસિત્થાતિ.

ધમ્મચક્કિકત્થેરસ્સાપદાનં નવમં.