૧૦. કપ્પરુક્ખિયત્થેરઅપદાનં

૧૦૮. ‘‘સિદ્ધત્થસ્સ ભગવતો, થૂપસેટ્ઠસ્સ સમ્મુખા;

વિચિત્તદુસ્સે લગેત્વા [લગ્ગેત્વા (સી. સ્યા.)], કપ્પરુક્ખં ઠપેસહં.

૧૦૯. ‘‘યં યં યોનુપપજ્જામિ, દેવત્તં અથ માનુસં;

સોભયન્તો મમ દ્વારં, કપ્પરુક્ખો પતિટ્ઠતિ.

૧૧૦. ‘‘અહઞ્ચ પરિસા ચેવ, યે કેચિ મમ વસ્સિતા [નિસ્સિતા (સી.)];

તમ્હા દુસ્સં ગહેત્વાન, નિવાસેમ મયં સદા [તદા (સ્યા.)].

૧૧૧. ‘‘ચતુન્નવુતિતો કપ્પે, યં રુક્ખં ઠપયિં અહં;

દુગ્ગતિં નાભિજાનામિ, કપ્પરુક્ખસ્સિદં ફલં.

૧૧૨. ‘‘ઇતો ચ સત્તમે કપ્પે, સુચેળા અટ્ઠ ખત્તિયા;

સત્તરતનસમ્પન્ના, ચક્કવત્તી મહબ્બલા.

૧૧૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કપ્પરુક્ખિયો થેરો ઇમા ગાથાયો અભાસિત્થાતિ.

કપ્પરુક્ખિયત્થેરસ્સાપદાનં દસમં.

કુણ્ડધાનવગ્ગો ચતુત્થો.