૭. લસુણદાયકત્થેરઅપદાનં

૮૯. ‘‘હિમવન્તસ્સાવિદૂરે, તાપસો આસહં તદા;

લસુણં ઉપજીવામિ, લસુણં મય્હભોજનં.

૯૦. ‘‘ખારિયો પૂરયિત્વાન, સઙ્ઘારામમગચ્છહં;

હટ્ઠો હટ્ઠેન ચિત્તેન, સઙ્ઘસ્સ લસુણં અદં.

૯૧. ‘‘વિપસ્સિસ્સ નરગ્ગસ્સ, સાસને નિરતસ્સહં;

સઙ્ઘસ્સ લસુણં દત્વા, કપ્પં સગ્ગમ્હિ મોદહં.

૯૨. ‘‘એકનવુતિતો કપ્પે, લસુણં યમદં તદા;

દુગ્ગતિં નાભિજાનામિ, લસુણસ્સ ઇદં ફલં.

૯૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા લસુણદાયકો થેરો ઇમા ગાથાયો અભાસિત્થાતિ;

લસુણદાયકત્થેરસ્સાપદાનં સત્તમં.