૮. પનસફલદાયકત્થેરઅપદાનં

૪૩. ‘‘અજ્જુનો નામ સમ્બુદ્ધો, હિમવન્તે વસી તદા;

ચરણેન ચ સમ્પન્નો, સમાધિકુસલો મુનિ.

૪૪. ‘‘કુમ્ભમત્તં ગહેત્વાન, પનસં જીવજીવકં [દેવગન્ધિકં (૪૧ વગ્ગે, ૫ અપદાને)];

છત્તપણ્ણે ઠપેત્વાન, અદાસિં સત્થુનો અહં.

૪૫. ‘‘એકત્તિંસે ઇતો કપ્પે, યં ફલમદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૪૬. ‘‘કિલેસા ઝાપિતા મય્હં…પે… વિહરામિ અનાસવો.

૪૭. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૮. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પનસફલદાયકો થેરો ઇમા ગાથાયો અભાસિત્થાતિ.

પનસફલદાયકત્થેરસ્સાપદાનં અટ્ઠમં.