૭. કદલિફલદાયકત્થેરઅપદાનં

૩૭. ‘‘કણિકારંવ જલિતં, પુણ્ણમાયેવ [પુણ્ણમાસેવ (સી. ક.)] ચન્દિમં;

જલન્તં દીપરુક્ખંવ, અદ્દસં લોકનાયકં.

૩૮. ‘‘કદલિફલં પગ્ગય્હ, અદાસિં સત્થુનો અહં;

પસન્નચિત્તો સુમનો, વન્દિત્વાન અપક્કમિં.

૩૯. ‘‘એકત્તિંસે ઇતો કપ્પે, યં ફલમદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૪૦. ‘‘કિલેસા ઝાપિતા મય્હં…પે… વિહરામિ અનાસવો.

૪૧. ‘‘સ્વાગતં વત મે આસિ…પે… કતં બુદ્ધસ્સ સાસનં.

૪૨. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા કદલિફલદાયકો થેરો ઇમા ગાથાયો અભાસિત્થાતિ.

કદલિફલદાયકત્થેરસ્સાપદાનં સત્તમં.