૬. વલ્લિફલદાયકત્થેરઅપદાનં

૩૧. ‘‘સબ્બે જના સમાગમ્મ, અગમિંસુ વનં તદા;

ફલમન્વેસમાના તે, અલભિંસુ ફલં તદા.

૩૨. ‘‘તત્થદ્દસાસિં સમ્બુદ્ધં, સયમ્ભું અપરાજિતં;

પસન્નચિત્તો સુમનો, વલ્લિફલમદાસહં.

૩૩. ‘‘એકત્તિંસે ઇતો કપ્પે, યં ફલમદદિં તદા;

દુગ્ગતિં નાભિજાનામિ, ફલદાનસ્સિદં ફલં.

૩૪. ‘‘કિલેસા ઝાપિતા મય્હં…પે… વિહરામિ અનાસવો.

૩૫. ‘‘સ્વાગતં વત મે આસિ…પે… કતં બુદ્ધસ્સ સાસનં.

૩૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા વલ્લિફલદાયકો થેરો ઇમા ગાથાયો અભાસિત્થાતિ.

વલ્લિફલદાયકત્થેરસ્સાપદાનં છટ્ઠં.