૫. નિમિત્તસઞ્ઞકત્થેરઅપદાનં

૨૮. ‘‘ચન્દભાગાનદીતીરે, વસામિ અસ્સમે અહં;

સુવણ્ણમિગમદ્દક્ખિં, ચરન્તં વિપિને અહં.

૨૯. ‘‘મિગે ચિત્તં પસાદેત્વા, લોકજેટ્ઠં અનુસ્સરિં;

તેન ચિત્તપ્પસાદેન, અઞ્ઞે બુદ્ધે અનુસ્સરિં.

૩૦. ‘‘અબ્ભતીતા ચ યે બુદ્ધા, વત્તમાના અનાગતા;

એવમેવં વિરોચન્તિ, મિગરાજાવ તે તયો.

૩૧. ‘‘ચતુન્નવુતિતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, બુદ્ધસઞ્ઞાયિદં ફલં.

૩૨. ‘‘સત્તવીસે ઇતો કપ્પે, એકો આસિં મહીપતિ;

અરઞ્ઞસત્થો નામેન, ચક્કવત્તી મહબ્બલો.

૩૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા નિમિત્તસઞ્ઞકો થેરો ઇમા ગાથાયો અભાસિત્થાતિ.

નિમિત્તસઞ્ઞકત્થેરસ્સાપદાનં પઞ્ચમં.