૭. સદ્દસઞ્ઞકત્થેરઅપદાનં

૩૪. ‘‘સુદસ્સનો મહાવીરો, દેસેતિ અમતં પદં;

પરિવુતો સાવકેહિ, વસતિ ઘરમુત્તમે.

૩૫. ‘‘તાય વાચાય મધુરાય, સઙ્ગણ્હાતિ [સઙ્ગણ્હન્તે (સી.)] મહાજનં;

ઘોસો ચ વિપુલો આસિ, આસીસો [આસંસો (સી.)] દેવમાનુસે.

૩૬. ‘‘નિગ્ઘોસસદ્દં સુત્વાન, સિદ્ધત્થસ્સ મહેસિનો;

સદ્દે ચિત્તં પસાદેત્વા, અવન્દિં લોકનાયકં.

૩૭. ‘‘ચતુન્નવુતિતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, બુદ્ધસઞ્ઞાયિદં ફલં.

૩૮. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સદ્દસઞ્ઞકો થેરો ઇમા ગાથાયો અભાસિત્થાતિ.

સદ્દસઞ્ઞકત્થેરસ્સાપદાનં સત્તમં.