૨. સબ્બગન્ધિયત્થેરઅપદાનં

૫. ‘‘ગન્ધમાલં મયા દિન્નં, વિપસ્સિસ્સ મહેસિનો;

અદાસિં ઉજુભૂતસ્સ, કોસેય્યવત્થમુત્તમં.

૬. ‘‘એકનવુતિતો કપ્પે, યં વત્થમદદિં [ગન્ધમદદિં (સ્યા.)] પુરે;

દુગ્ગતિં નાભિજાનામિ, ગન્ધદાનસ્સિદં ફલં.

૭. ‘‘ઇતો પન્નરસે કપ્પે, સુચેળો નામ ખત્તિયો;

સત્તરતનસમ્પન્નો, ચક્કવત્તી મહબ્બલો.

૮. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સબ્બગન્ધિયો થેરો ઇમા ગાથાયો અભાસિત્થાતિ.

સબ્બગન્ધિયત્થેરસ્સાપદાનં દુતિયં.