૫. મઘવપુપ્ફિયત્થેરઅપદાનં

૨૦. ‘‘નમ્મદાનદિયા તીરે, સયમ્ભૂ અપરાજિતો;

સમાધિં સો સમાપન્નો, વિપ્પસન્નો અનાવિલો.

૨૧. ‘‘દિસ્વા પસન્નસુમનો, સમ્બુદ્ધં અપરાજિતં;

તાહં મઘવપુપ્ફેન, સયમ્ભું પૂજયિં તદા.

૨૨. ‘‘એકનવુતિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૨૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા મઘવપુપ્ફિયો થેરો ઇમા ગાથાયો અભાસિત્થાતિ.

મઘવપુપ્ફિયત્થેરસ્સાપદાનં પઞ્ચમં.