૧. પણ્ણદાયકત્થેરઅપદાનં

૧. ‘‘પણ્ણસાલે નિસિન્નોમ્હિ, પણ્ણભોજનભોજનો;

ઉપવિટ્ઠઞ્ચ મં સન્તં, ઉપાગચ્છિ મહાઇસિ [મહામુનિ (સી.)].

૨. ‘‘સિદ્ધત્થો લોકપજ્જોતો, સબ્બલોકતિકિચ્છકો;

તસ્સ પણ્ણં મયા દિન્નં, નિસિન્નં [નિસિન્નસ્સ (સ્યા. અટ્ઠ.)] પણ્ણસન્થરે.

૩. ‘‘ચતુન્નવુતિતો કપ્પે, યં પણ્ણમદદિં તદા;

દુગ્ગતિં નાભિજાનામિ, પણ્ણદાનસ્સિદં ફલં.

૪. ‘‘પટિસમ્ભિદા ચતસ્સો, વિમોક્ખાપિ ચ અટ્ઠિમે;

છળભિઞ્ઞા સચ્છિકતા, કતં બુદ્ધસ્સ સાસનં’’.

ઇત્થં સુદં આયસ્મા પણ્ણદાયકો થેરો ઇમા ગાથાયો અભાસિત્થાતિ.

પણ્ણદાયકત્થેરસ્સાપદાનં પઠમં.