૧. આકાસુક્ખિપિયત્થેરઅપદાનં

૧. ‘‘સુવણ્ણવણ્ણં સિદ્ધત્થં, ગચ્છન્તં અન્તરાપણે;

જલજગ્ગે દુવે ગય્હ, ઉપાગચ્છિં નરાસભં.

૨. ‘‘એકઞ્ચ પુપ્ફં પાદેસુ, બુદ્ધસેટ્ઠસ્સ નિક્ખિપિં;

એકઞ્ચ પુપ્ફં પગ્ગય્હ, આકાસે ઉક્ખિપિં અહં.

૩. ‘‘ચતુન્નવુતિતો કપ્પે, યં પુપ્ફમભિરોપયિં;

દુગ્ગતિં નાભિજાનામિ, પુપ્ફદાનસ્સિદં ફલં.

૪. ‘‘ઇતો છત્તિંસકપ્પમ્હિ, એકો આસિં મહીપતિ;

અન્તલિક્ખકરો નામ, ચક્કવત્તી મહબ્બલો.

૫. ‘‘પટિસમ્ભિદા ચતસ્સો, વિમોક્ખાપિ ચ અટ્ઠિમે;

છળભિઞ્ઞા સચ્છિકતા, કતં બુદ્ધસ્સ સાસનં’’.

ઇત્થં સુદં આયસ્મા આકાસુક્ખિપિયો થેરો ઇમા ગાથાયો અભાસિત્થાતિ.

આકાસુક્ખિપિયત્થેરસ્સાપદાનં પઠમં.