૪. તિચમ્પકપુપ્ફિયત્થેરઅપદાનં

૧૩. ‘‘હિમવન્તસ્સાવિદૂરે, વિકતો [વિકનો (સી. સ્યા.)] નામ પબ્બતો;

તસ્સ વેમજ્ઝે વસતિ, સમણો ભાવિતિન્દ્રિયો.

૧૪. ‘‘દિસ્વાન તસ્સોપસમં, વિપ્પસન્નેન ચેતસા;

તીણિ ચમ્પકપુપ્ફાનિ, ગહેત્વાન સમોકિરિં.

૧૫. ‘‘એકનવુતિતો કપ્પે, યં પુપ્ફમભિપૂજયિં;

દુગ્ગતિં નાભિજાનામિ, બુદ્ધપૂજાયિદં ફલં.

૧૬. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા તિચમ્પકપુપ્ફિયો થેરો ઇમા ગાથાયો અભાસિત્થાતિ.

તિચમ્પકપુપ્ફિયત્થેરસ્સાપદાનં ચતુત્થં.