૧૦. પાપનિવારિયત્થેરઅપદાનં

૪૪. ‘‘તિસ્સસ્સ તુ ભગવતો, દેવદેવસ્સ તાદિનો;

એકચ્છત્તં મયા દિન્નં, વિપ્પસન્નેન ચેતસા.

૪૫. ‘‘નિવુતં હોતિ મે પાપં, કુસલસ્સુપસમ્પદા;

આકાસે છત્તં ધારેન્તિ, પુબ્બકમ્મસ્સિદં ફલં.

૪૬. ‘‘ચરિમં વત્તતે મય્હં, ભવા સબ્બે સમૂહતા;

ધારેમિ અન્તિમં દેહં, સમ્માસમ્બુદ્ધસાસને.

૪૭. ‘‘દ્વેનવુતે ઇતો કપ્પે, યં છત્તમદદિં તદા;

દુગ્ગતિં નાભિજાનામિ, છત્તદાનસ્સિદં ફલં.

૪૮. ‘‘દ્વેસત્તતિમ્હિતો કપ્પે, અટ્ઠાસિંસુ જનાધિપા;

મહાનિદાનનામેન, રાજાનો ચક્કવત્તિનો.

૪૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા પાપનિવારિયો [વાતાતપનિવારિયો (સી.)] થેરો ઇમા ગાથાયો અભાસિત્થાતિ;

પાપનિવારિયત્થેરસ્સાપદાનં દસમં.

કણિકારપુપ્ફિયવગ્ગો એકવીસતિમો.