૫. સીહાસનદાયકત્થેરઅપદાનં

૨૧. ‘‘નિબ્બુતે લોકનાથમ્હિ, પદુમુત્તરનાયકે;

પસન્નચિત્તો સુમનો, સીહાસનમદાસહં.

૨૨. ‘‘બહૂહિ ગન્ધમાલેહિ, દિટ્ઠધમ્મસુખાવહે;

તત્થ પૂજઞ્ચ કત્વાન, નિબ્બાયતિ બહુજ્જનો.

૨૩. ‘‘પસન્નચિત્તો સુમનો, વન્દિત્વા બોધિમુત્તમં;

કપ્પાનં સતસહસ્સં, દુગ્ગતિં નુપપજ્જહં.

૨૪. ‘‘પન્નરસસહસ્સમ્હિ, કપ્પાનં અટ્ઠ આસુ તે [અટ્ઠ આસયું (ક.)];

સિલુચ્ચયસનામા ચ, રાજાનો ચક્કવત્તિનો.

૨૫. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સીહાસનદાયકો થેરો ઇમા ગાથાયો અભાસિત્થાતિ;

સીહાસનદાયકત્થેરસ્સાપદાનં પઞ્ચમં.