૯. સમાદપકત્થેરઅપદાનં

૪૪. ‘‘નગરે બન્ધુમતિયા, મહાપૂગગણો અહુ;

તેસાહં પવરો આસિં, મમ બદ્ધચરા [પટ્ઠચરા (સ્યા.)] ચ તે.

૪૫. ‘‘સબ્બે તે સન્નિપાતેત્વા, પુઞ્ઞકમ્મે સમાદયિં;

માળં કસ્સામ સઙ્ઘસ્સ, પુઞ્ઞક્ખેત્તં અનુત્તરં.

૪૬. ‘‘સાધૂતિ તે પટિસ્સુત્વા, મમ છન્દવસાનુગા;

નિટ્ઠાપેત્વા ચ તં માળં, વિપસ્સિસ્સ અદમ્હસે.

૪૭. ‘‘એકનવુતિતો કપ્પે, યં માળમદદિં તદા;

દુગ્ગતિં નાભિજાનામિ, માળદાનસ્સિદં ફલં.

૪૮. ‘‘એકૂનસત્તતિકપ્પે [એકૂનસટ્ઠિકપ્પમ્હિ (સી. સ્યા.)],

એકો આસિ જનાધિપો.

આદેય્યો નામ નામેન, ચક્કવત્તી મહબ્બલો.

૪૯. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સમાદપકો થેરો ઇમા ગાથાયો અભાસિત્થાતિ.

સમાદપકત્થેરસ્સાપદાનં નવમં.