૮. ઞાણસઞ્ઞિકત્થેરઅપદાનં

૮૪. ‘‘પબ્બતે હિમવન્તમ્હિ, વસામિ પબ્બતન્તરે;

પુલિનં સોભનં દિસ્વા, બુદ્ધસેટ્ઠં અનુસ્સરિં.

૮૫. ‘‘ઞાણે ઉપનિધા નત્થિ, સઙ્ખારં [સઙ્ગામં (સી. સ્યા.), સઙ્ખાતં (થેરગાથા અટ્ઠ.)] નત્થિ સત્થુનો;

સબ્બધમ્મં અભિઞ્ઞાય, ઞાણેન અધિમુચ્ચતિ.

૮૬. ‘‘નમો તે પુરિસાજઞ્ઞ, નમો તે પુરિસુત્તમ;

ઞાણેન તે સમો નત્થિ, યાવતા ઞાણમુત્તમં.

૮૭. ‘‘ઞાણે ચિત્તં પસાદેત્વા, કપ્પં સગ્ગમ્હિ મોદહં;

અવસેસેસુ કપ્પેસુ, કુસલં ચરિતં [કરિતં (સી. સ્યા.), કિરિયં (ક.)] મયા.

૮૮. ‘‘એકનવુતિતો કપ્પે, યં સઞ્ઞમલભિં તદા;

દુગ્ગતિં નાભિજાનામિ, ઞાણસઞ્ઞાયિદં ફલં.

૮૯. ‘‘ઇતો સત્તતિકપ્પમ્હિ [તેસત્તતિકપ્પે (સી. સ્યા.)], એકો પુલિનપુપ્ફિયો;

સત્તરતનસમ્પન્નો, ચક્કવત્તી મહબ્બલો.

૯૦. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા ઞાણસઞ્ઞિકો થેરો ઇમા ગાથાયો અભાસિત્થાતિ.

ઞાણસઞ્ઞિકત્થેરસ્સાપદાનં અટ્ઠમં.