૧૦. જાતિપૂજકત્થેરઅપદાનં

૮૨. ‘‘જાયન્તસ્સ વિપસ્સિસ્સ, આલોકો વિપુલો અહુ;

પથવી ચ પકમ્પિત્થ, સસાગરા સપબ્બતા.

૮૩. ‘‘નેમિત્તા ચ વિયાકંસુ, બુદ્ધો લોકે ભવિસ્સતિ;

અગ્ગો ચ સબ્બસત્તાનં, જનતં ઉદ્ધરિસ્સતિ.

૮૪. ‘‘નેમિત્તાનં સુણિત્વાન, જાતિપૂજમકાસહં;

એદિસા પૂજના નત્થિ, યાદિસા જાતિપૂજના.

૮૫. ‘‘સઙ્ખરિત્વાન [સંહરિત્વાન (સી. સ્યા.), સઙ્કરિત્વાન (ક.)]

કુસલં, સકં ચિત્તં પસાદયિં.

જાતિપૂજં કરિત્વાન, તત્થ કાલઙ્કતો અહં.

૮૬. ‘‘યં યં યોનુપપજ્જામિ, દેવત્તં અથ માનુસં;

સબ્બે સત્તે અભિભોમિ, જાતિપૂજાયિદં ફલં.

૮૭. ‘‘ધાતિયો મં ઉપટ્ઠન્તિ, મમ ચિત્તવસાનુગા;

ન તા સક્કોન્તિ કોપેતું, જાતિપૂજાયિદં ફલં.

૮૮. ‘‘એકનવુતિતો કપ્પે, યં પૂજમકરિં તદા;

દુગ્ગતિં નાભિજાનામિ, જાતિપૂજાયિદં ફલં.

૮૯. ‘‘સુપારિચરિયા નામ, ચતુત્તિંસ જનાધિપા;

ઇતો તતિયકપ્પમ્હિ, ચક્કવત્તી મહબ્બલા.

૯૦. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા જાતિપૂજકો થેરો ઇમા ગાથાયો અભાસિત્થાતિ.

જાતિપૂજકત્થેરસ્સાપદાનં દસમં.

મહાપરિવારવગ્ગો દ્વાદસમો.