૨. સુચિન્તિકત્થેરઅપદાનં

૮. ‘‘તિસ્સસ્સ લોકનાથસ્સ, સુદ્ધપીઠમદાસહં;

હટ્ઠો હટ્ઠેન ચિત્તેન, બુદ્ધસ્સાદિચ્ચબન્ધુનો.

૯. ‘‘અટ્ઠારસે [અટ્ઠતિંસે (સી. સ્યા.)] ઇતો કપ્પે, રાજા આસિં મહારુચિ;

ભોગો ચ વિપુલો આસિ, સયનઞ્ચ અનપ્પકં.

૧૦. ‘‘પીઠં બુદ્ધસ્સ દત્વાન, વિપ્પસન્નેન ચેતસા;

અનુભોમિ સકં કમ્મં, પુબ્બે સુકતમત્તનો.

૧૧. ‘‘દ્વેનવુતે ઇતો કપ્પે, યં પીઠમદદિં તદા;

દુગ્ગતિં નાભિજાનામિ, પીઠદાનસ્સિદં ફલં.

૧૨. ‘‘અટ્ઠતિંસે ઇતો કપ્પે, તયો તે ચક્કવત્તિનો;

રુચિ ઉપરુચિ ચેવ, મહારુચિ તતિયકો.

૧૩. ‘‘પટિસમ્ભિદા ચતસ્સો…પે… કતં બુદ્ધસ્સ સાસનં’’.

ઇત્થં સુદં આયસ્મા સુચિન્તિકો થેરો ઇમા ગાથાયો અભાસિત્થાતિ.

સુચિન્તિકત્થેરસ્સાપદાનં દુતિયં.