૮. તતિયઓવાદસુત્તવણ્ણના

૧૫૧. અટ્ઠમે તથા હિ પનાતિ પુબ્બે સોવચસ્સતાય, એતરહિ ચ દોવચસ્સતાય કારણપટ્ઠપને નિપાતો. તત્રાતિ તેસુ થેરેસુ. કો નામાયં ભિક્ખૂતિ કો નામો અયં ભિક્ખુ? કિં તિસ્સત્થેરો કિં નાગત્થેરોતિ? તત્રાતિ તસ્મિં એવં સક્કારે કયિરમાને. તથત્તાયાતિ તથાભાવાય, આરઞ્ઞિકાદિભાવાયાતિ અત્થો. સબ્રહ્મચારિકામોતિ ‘‘ઇમે મં પરિવારેત્વા ચરન્તૂ’’તિ એવં કામેતિ ઇચ્છતિ પત્થેતીતિ સબ્રહ્મચારિકામો. તથત્તાયાતિ લાભસક્કારનિબ્બત્તનત્થાય. બ્રહ્મચારુપદ્દવેનાતિ યો સબ્રહ્મચારીનં ચતૂસુ પચ્ચયેસુ અધિમત્તચ્છન્દરાગો ઉપદ્દવોતિ વુચ્ચતિ, તેન ઉપદ્દુતા. અભિપત્થનાતિ અધિમત્તપત્થના. બ્રહ્મચારિઅભિપત્થનેનાતિ બ્રહ્મચારીનં અધિમત્તપત્થનાસઙ્ખાતેન ચતુપચ્ચયભાવેન. અટ્ઠમં.