૪. નવસુત્તવણ્ણના

૨૩૮. ચતુત્થે અપ્પોસ્સુક્કોતિ નિરુસ્સુક્કો. સઙ્કસાયતીતિ વિહરતિ. વેય્યાવચ્ચન્તિ ચીવરે કત્તબ્બકિચ્ચં. આભિચેતસિકાનન્તિ અભિચિત્તં ઉત્તમચિત્તં નિસ્સિતાનં. નિકામલાભીતિ ઇચ્છિતિચ્છિતક્ખણે સમાપજ્જનસમત્થતાય નિકામલાભી. અકિચ્છલાભીતિ ઝાનપારિપન્થિકે સુખેન વિક્ખમ્ભેત્વા સમાપજ્જનસમત્થતાય અદુક્ખલાભી. અકસિરલાભીતિ યથાપરિચ્છેદેન વુટ્ઠાનસમત્થતાય વિપુલલાભી, પગુણજ્ઝાનોતિ અત્થો. સિથિલમારબ્ભાતિ સિથિલવીરિયં પવત્તેત્વા. ચતુત્થં.