૭. પચ્ચયસુત્તવણ્ણના

૨૭-૨૮. સત્તમે પટિપાટિયા વુત્તેસુ પરિયોસાનપદં ગહેત્વા કતમઞ્ચ, ભિક્ખવે, જરામરણન્તિઆદિ વુત્તં. એવં પચ્ચયં પજાનાતીતિ એવં દુક્ખસચ્ચવસેન પચ્ચયં જાનાતિ. પચ્ચયસમુદયાદયોપિ સમુદયસચ્ચાદીનંયેવ વસેન વેદિતબ્બા. દિટ્ઠિસમ્પન્નોતિ મગ્ગદિટ્ઠિયા સમ્પન્નો. દસ્સનસમ્પન્નોતિ તસ્સેવ વેવચનં. આગતો ઇમં સદ્ધમ્મન્તિ મગ્ગસદ્ધમ્મં આગતો. પસ્સતીતિ મગ્ગસદ્ધમ્મમેવ પસ્સતિ. સેક્ખેન ઞાણેનાતિ મગ્ગઞાણેનેવ. સેક્ખાય વિજ્જાયાતિ મગ્ગવિજ્જાય એવ. ધમ્મસોતં સમાપન્નોતિ મગ્ગસઙ્ખાતમેવ ધમ્મસોતં સમાપન્નો. અરિયોતિ પુથુજ્જનભૂમિં અતિક્કન્તો. નિબ્બેધિકપઞ્ઞોતિ નિબ્બેધિકપઞ્ઞાય સમન્નાગતો. અમતદ્વારં આહચ્ચ તિટ્ઠતીતિ અમતં નામ નિબ્બાનં, તસ્સ દ્વારં અરિયમગ્ગં આહચ્ચ તિટ્ઠતીતિ. અટ્ઠમં ઉત્તાનમેવ. સત્તમઅટ્ઠમાનિ.