૩૯. અત્થસન્દસ્સનઞાણનિદ્દેસવણ્ણના

૯૦. અત્થસન્દસ્સનઞાણનિદ્દેસે પઞ્ચક્ખન્ધાતિઆદીનિ વુત્તત્થાનેવ. પકાસેતીતિ પાકટં કરોતિ, સોતૂનં ઞાણચક્ખુના દસ્સનં સમ્પાદેતીતિ અત્થો. નાનાધમ્માતિ લોકિયલોકુત્તરા સબ્બધમ્મા વુત્તા. કસ્મા પકાસનાનિદ્દેસે લોકિયા એવ વુત્તાતિ ચે? અનિચ્ચાદિવસેન પકાસનાય આરદ્ધત્તા. લોકુત્તરાનઞ્ચ અસમ્મસનૂપગત્તા લોકુત્તરા ન વુત્તા. નાનાધમ્મનિદ્દેસેન પન અત્થસન્દસ્સનનિદ્દેસેન ચ તેસં સઙ્ગહિતત્તા યથા તે પકાસેતબ્બા, તથા પકાસના પકાસનાયેવ. પજહન્તોતિ સોતારં પજહાપેન્તોતિ અત્થો. સન્દસ્સેતીતિ સોતૂનં સમ્મા દસ્સેતિ. કેચિ પન ‘‘કામચ્છન્દસ્સ પહીનત્તા નેક્ખમ્મત્થં સન્દસ્સેતી’’તિઆદિના નયેન પઠન્તિ. તેસં ઉજુકમેવ સોતૂનં દોસપ્પહાને ગુણપટિલાભે ચ કતે સિખાપ્પત્તં દેસનાઞાણં હોતીતિ દસ્સનત્થં અયં નયો વુત્તોતિ વેદિતબ્બો.

અત્થસન્દસ્સનઞાણનિદ્દેસવણ્ણના નિટ્ઠિતા.