૨. સુચિન્તિકત્થેરઅપદાનવણ્ણના

તિસ્સસ્સ લોકનાથસ્સાતિઆદિકં આયસ્મતો સુચિન્તિકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો અનેકાસુ જાતીસુ નિબ્બાનાધિગમાય પુઞ્ઞં ઉપચિનિત્વા તિસ્સસ્સ ભગવતો કાલે એકસ્મિં કુલગેહે નિબ્બત્તો વુદ્ધિમન્વાય સત્થરિ પસીદિત્વા સત્થુ નિસીદનત્થાય પરિસુદ્ધં સિલિટ્ઠં કટ્ઠમયમનગ્ઘપીઠમદાસિ. સો તેન પુઞ્ઞકમ્મેન સુગતિસુખમનુભવિત્વા તત્થ તત્થ સંસરન્તો ઇમસ્મિં બુદ્ધુપ્પાદે એકસ્મિં કુલગેહે નિબ્બત્તો વુદ્ધિમન્વાય સત્થરિ પસીદિત્વા પબ્બજિતો નચિરસ્સેવ અરહા અહોસિ.

૮. સો પત્તઅરહત્તફલો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો તિસ્સસ્સ લોકનાથસ્સાતિઆદિમાહ. તં સબ્બં ઉત્તાનત્થમેવાતિ.

સુચિન્તિકત્થેરઅપદાનવણ્ણના સમત્તા.