૧. પણ્ણત્તિનિદ્દેસવારવણ્ણના

૧૦-૧૭. નિદ્દેસવારે પન હેટ્ઠા ખન્ધયમકસ્સ પણ્ણત્તિવારનિદ્દેસે વુત્તનયેનેવ અત્થો વેદિતબ્બો. અઞ્ઞત્ર વિસેસા. તત્રાયં વિસેસો – દિબ્બચક્ખૂતિ દુતિયવિજ્જાઞાણં. પઞ્ઞાચક્ખૂતિ તતિયવિજ્જાઞાણં. દિબ્બસોતન્તિ દુતિયઅભિઞ્ઞાઞાણં. તણ્હાસોતન્તિ તણ્હાવ. અવસેસો કાયોતિ નામકાયો, રૂપકાયો, હત્થિકાયો, અસ્સકાયોતિ એવમાદિ. અવસેસં રૂપન્તિ રૂપાયતનતો સેસં ભૂતુપાદાયરૂપઞ્ચેવ પિયરૂપસાતરૂપઞ્ચ. સીલગન્ધોતિઆદીનિ વાયનટ્ઠેન સીલાદીનંયેવ નામાનિ. અત્થરસોતિઆદીનિપિ સાધુમધુરટ્ઠેન અત્થાદીનઞ્ઞેવ નામાનિ. અવસેસો ધમ્મોતિ પરિયત્તિધમ્માદિઅનેકપ્પભેદોતિ અયમેત્થ વિસેસો.

પણ્ણત્તિનિદ્દેસવારવણ્ણના.