૮. કમ્મકથાવણ્ણના

૮૮૯-૮૯૧. ઇદાનિ કમ્મકથા નામ હોતિ. તત્થ ‘‘યસ્મા દિટ્ઠધમ્મવેદનીયાદીનિ દિટ્ઠધમ્મવેદનીયટ્ઠાદીહિ નિયતાનિ, તસ્મા સબ્બે કમ્મા નિયતા’’તિ યેસં લદ્ધિ, સેય્યથાપિ તેસઞ્ઞેવ; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. દિટ્ઠધમ્મવેદનીયટ્ઠેન નિયતન્તિ એત્થ દિટ્ઠધમ્મવેદનીયં દિટ્ઠધમ્મવેદનીયટ્ઠમેવ. સચે દિટ્ઠેવ ધમ્મે વિપાકં દાતું સક્કોતિ દેતિ, નો ચે અહોસિકમ્મં નામ હોતીતિ ઇમમત્થં સન્ધાય પટિઞ્ઞા સકવાદિસ્સ. મિચ્છત્તસમ્મત્તનિયામવસેન પનેતં અનિયતમેવાતિ સબ્બં હેટ્ઠા વુત્તનયેનેવ વેદિતબ્બન્તિ.

કમ્મકથાવણ્ણના.

એકવીસતિમો વગ્ગો.