૫. ઠપેત્વા અરિયમગ્ગન્તિકથાવણ્ણના

૭૮૯-૭૯૦. ઇદાનિ ઠપેત્વા અરિયમગ્ગન્તિકથા નામ હોતિ. તત્થ ‘‘યસ્મા અરિયમગ્ગો ‘દુક્ખનિરોધગામિનિપટિપદા’તિ વુત્તો, તસ્મા ઠપેત્વા અરિયમગ્ગં અવસેસા સઙ્ખારા દુક્ખા’’તિ યેસં લદ્ધિ, સેય્યથાપિ હેતુવાદાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘યદિ એવં સમુદયસ્સાપિ દુક્ખભાવો આપજ્જતી’’તિ ચોદેતું દુક્ખસમુદયોપીતિ આહ. ઇતરો હેતુલક્ખણં સન્ધાય પટિક્ખિપતિ. પુન પુટ્ઠો પવત્તપરિયાપન્નભાવં સન્ધાય પટિજાનાતિ. તીણેવાતિ પઞ્હેસુ સુત્તવિરોધભયેન પટિક્ખિપતિ, લદ્ધિવસેન પટિજાનાતિ. સેસમેત્થ ઉત્તાનત્થમેવાતિ.

ઠપેત્વા અરિયમગ્ગન્તિકથાવણ્ણના.