૩. સદ્દો વિપાકોતિકથાવણ્ણના

૬૩૬-૬૩૭. ઇદાનિ સદ્દો વિપાકોતિકથા નામ હોતિ. તત્થ ‘‘સો તસ્સ કમ્મસ્સ કતત્તા ઉપચિતત્તા ઉસ્સન્નત્તા વિપુલત્તા બ્રહ્મસ્સરો હોતી’’તિઆદીનિ (દી. નિ. ૩.૨૩૬) અયોનિસો ગહેત્વા ‘‘સદ્દો વિપાકો’’તિ યેસં લદ્ધિ, સેય્યથાપિ મહાસંઘિકાનં; તેસં ‘‘કમ્મસમુટ્ઠાના અરૂપધમ્માવ વિપાકાતિ નામં લભન્તિ. રૂપધમ્મેસુ પનાયં વોહારો નત્થી’’તિ દસ્સેતું પુચ્છા સકવાદિસ્સ, પટિઞ્ઞા ઇતરસ્સ. સુખવેદનીયોતિઆદિ ‘‘વિપાકો નામ એવરૂપો હોતી’’તિ દસ્સનત્થં વુત્તં. ‘‘સો તસ્સ કમ્મસ્સા’’તિ સુત્તં લક્ખણપટિલાભદસ્સનત્થં વુત્તં. મહાપુરિસો હિ કમ્મસ્સ કતત્તા સુચિપરિવારોપિ હોતિ, ન ચ પરિવારો વિપાકો, તસ્મા અસાધકમેતન્તિ.

સદ્દો વિપાકોતિકથાવણ્ણના.