૪. ઞાણકથાવણ્ણના

૬૧૪-૬૧૫. ઇદાનિ ઞાણકથા નામ હોતિ. તત્થ મગ્ગઞાણેન અઞ્ઞાણે વિગતેપિ પુન ચક્ખુવિઞ્ઞાણાદિવસેન ઞાણવિપ્પયુત્તચિત્તે વત્તમાને યસ્મા તં મગ્ગચિત્તં ન પવત્તતિ, તસ્મા ‘‘ન વત્તબ્બં ઞાણી’’તિ યેસં લદ્ધિ, સેય્યથાપિ મહાસંઘિકાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. અથ નં ‘‘યદિ અઞ્ઞાણે વિગતે ‘ઞાણી’તિ પઞ્ઞત્તિ ન સિયા, રાગાદીસુ વિગતેસુ વીતરાગાદિપઞ્ઞત્તિપિ ન સિયાતિ પુગ્ગલપઞ્ઞત્તિયં અકોવિદોસી’’તિ ચોદેતું રાગે વિગતેતિઆદિમાહ. ઇતરો તેસુ વિગતેસુ સરાગાદિભાવે યુત્તિં અપસ્સન્તો પટિક્ખિપતિ. પરિયોસાને યસ્મા ઞાણપટિલાભેન સો ઞાણીતિ વત્તબ્બતં અરહતિ, તસ્મા ન હેવન્તિ પટિક્ખેપો સકવાદિસ્સાતિ.

ઞાણકથાવણ્ણના.